Ilir Meta, krasitje në udhëheqjen e re të partisë

LSI do të promovojë nesër emra të rinj në udhëheqjen e lartë të saj.

Ditën e nesërme mbahet Konventa e Përgjithshme e LSI-së, ku do të votohet për një sërë ndryshimesh në postet drejtuese të partisë.

Nesër pritet që Endrit Braimllari të zgjidhet Sekretar i Përgjithshëm i LSI-së, sipas Panorama.

Petrit Vasili do të zgjidhet zv/Kryetar, ndërsa Kejdi Mehmetaj dhe Luan Rama, që të dy nënkryetarë.

Gjithashtu, do të votohet për Komitetin Drejtues Kombëtar. Konventa nis ditën e nesërme në orën 10:30, ndërsa anëtarët mund të shpallin kandidaturat deri në orën 10:00.

Meta ka mbledhur sot Kryesinë e LSI-së në të cilën është vendosur që Kryetrai i partisë t’i propozojë Konventës Kombëtare Zgjedhore katër kandidatura për këto pozicione: për zv/Kryetar të LSI-së, Petrit Vasili, Sekretar i Përgjithshëm, Endrit Braimllari dhe si N/Kryetarë të LSI-së, Luan Rama dhe znj. Kejdi Mehmetaj.

Gjithashtu, Meta ka ftuar çdo anëtar të Komitetit Drejtues Kombëtar dhe deputetë, të cilët dëshirojnë të kandidojnë në këto poste, të paraqesin kërkesë me shkrim deri nesër (e shtunë) para orës 10:00 pranë Sekretarit të Përgjithshëm, Luan Rama.

Një tjetër risi do të jetë miratimi në Statutin e LSI-së i krijimit të Kryesisë Ekzekutive të LSI-së, ku përveç Kryetarit të LSI-së, Sekretarit të Përgjithshëm, Kryetarit dhe dy N/Kryetarëve, do të jenë pjesë edhe Kryetari i LRI-së dhe Kryetari i LGI-së. Votimi në Konventën Kombëtare Zgjedhore do të bëhet në mënyrë të fshehtë dhe me sistem elektronik.

Konventa do të zgjasë dy ditë dhe do të zgjedhë Komitetin Drejtues Kombëtar dhe kryesinë e re të Partisë.

/DRONI.al/