Mësohet një shpërthim ka ndodhur sot në një banesë në Durrës. Burimet njoftojnë se fatmirësisht nuk ka persona të lënduar.
Sipas të dhënave zyrtare, ngjarja ka ndodhur rreth orës 01:15, në lagjen nr. 17/1 Durrës, në oborrin e banesës së shtetasit Q.H., 54 vjeç.
Policia thotë se ka shpërthyer një sasi e vogël lënde e dyshuar plasëse duke shkaktuar vetëm dëme të vogla materiale. Ende nuk ka një pistë të caktuar për ndonjë konflikt të mundshëm.
Po të njëjtat burime, thonë se persona të paidentifikuar i kanë hedhur eksplozivin në oborrin e banesës 54-vjeçarit që jeton vetëm me gruan pasi fëmijët i kanë në emigrim.
Grupi hetimor po punon për zbardhjen e plotë të kësaj ngjarje, identifikimin dhe kapjen e autorit/ëve.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
