Presidenti Ilir Meta është nderuar sot nga Akademia e Administratës Publike të Azerbajxhanit me titullin e lartë “Doctor Honoris Causa”. Në një vlerësim lidhur mbi çmimin, Meta shkruan:
“Ky titull reflekton marrëdhëniet e shkëlqyera mes Shqipërisë dhe Azerbajxhanit. Më shumë bashkëpunim nevojitet në fushën e kulturës dhe arsimit.”
Presidenti Meta po zhvillon prej disa ditësh një vizitë të suksesshme në Azerbajxhan, ku ka pasur takime të rëndësishme me krerët e vendit.
Ditën e sotme, Presidenti Meta, u prit në takim edhe nga Presidenti i Azerbajxhanit, Ilham Aliyev, ku i shprehu interesin e përbashkët të dy vendeve për të intensifikuar më shumë marrëdhëniet mes Shqipërisë dhe Azerbajxhanit.
Meta shprehu mirënjohjen e tij për mbështetjen që Presidenti Aliyev ka dhënë për projektet TAP e IAP dhe për procesin e gazifikimit të Shqipërisë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
