Ashtu sikurse edhe protestat e kaluara, mediat ndërkombëtare i kanë bërë jehonë zhvillimeve të sotme në Shqipëri, ku opozita ka mbajtur protestën e radhës.
Ka qenë prestigjiozja “The Washington Post” dhe “Fox News” që kanë shkruar se: “Mijëra qytetarë shqiptarë rrethojë Parlamentin, kërkojnë zgjedhje të reja”.
Në shkrimet e tyre thuhet se qytetarët shqiptarë kërkojnë zgjedhje të reja sepse akuzojnë kabinetin aktual të qeverisë Rama për korrupsion dhe lidhje me krimin.
Gjithashtu ata i kanë bërë edhe një panoramë protestës, për mënyrën se si është zhvilluar.
Prestigjozet shkruajnë se “prej javësh protestat e opozitës janë duke u zhvilluar me flakadanë, lëndë piroteknike, ndërsa nga ana tjetër edhe policia i është përgjigjur me gaz lotsjellës”.
Opozita ka mbajtur protestën e 4, që prej asaj të 16 shkurtit, kur do të shënohej edhe nisja e protestave masive që do të shoqëronin çdo seancë plenare.
Ndonëse ditën e sotme krahas forcave të policisë, me masa mbrotjese ishin pajisur edhe qytetarët nuk pati përshkallëzim të situatës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
