Është tërhequr nga gara për kreun e Kominitetit Mysliman të Shqipërisë dhe myftiu i Kukësit, Islam Hoxha. Në garë kanë mbetur tashmë Ylli Gurra, Bujar Spahiu dhe Gramoz Blliku.
Mbrëmjen e djeshme, ndërkohë u njoftua papritur dhe tërheqja nga gara e kreut aktual i KMSH-së Skënder Bruçaj, për të cilin thuhej se pati ndërhyrje nga ana e kryeministrit Rama.
Po ashtu më herët është tërhequr dhe Gëzim Abdishahi pasi nuk plotësonte kriteret për të qenë kandidat.
Votimet për KMSH-në po mbahen tek Medreseja e Tiranës. Kreu i ri do zgjidhet me votë të fshehtë të 91 anëtarëve të Këshillit të Përgjithshëm (12 anëtarët e Kryesisë së Komunitetit Mysliman, 35 myftinj si dhe anëtarë nga shoqëria civile) dhe do ketë mandat 5 vjeçar me të drejtë rizgjedhje.
Kandidatët e mbetur ne garë
Ylli Gurra – Myftiu i Tiranës
Gramoz Blliku – Myftiu i Lushnjës
Bujar Spahiu – Nënkryetar i KMSH-së
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
