Ish-ministri Ylli Manjani ka një reagim lidhur me përgjimet e Prokurorisë së Krimeve të Rënda të bëra publike nga VOA, ku thuhet se punësimet në burgje bëheshin me urdhra dhe ndërhyrje të zyrtarëve të PS-së.
Manjani përmes një statusi në Facebook, shkruan është e padrejtë që Çuko të lajë mëkatet e të gjithë punësimeve politike që janë bërë prej 30 vitesh. Sipas Manjanit, asnjë parti nuk guxon që të mos shkelë ligjet e punësimit në administratën publike.
REAGIMI I PLOTË
E pa drejtë!
————
Duke ruajtur respektin maksimal për mediat, përfshi edhe Zërin e Amerikës në shqip, nuk mendoj se është e drejtë që Arben Çuko të lajë mëkatet e të gjithë punësimeve politike që janë bërë tash 30 vite!
Në rastin e denoncuar dhe nga VOA, para ligjit duhet të ishin deputetët që ushtruan ndikim të paligjshëm dhe jo Arben Çuko.
Por ç’është më e rëndësishmja, asnjë parti nuk guxon ta zgjidhë njëherë e mirë këtë gjë, pra të mos shkelë ligjet e punësimit në administratën publike!☹️☹️☹️
Ndaj mirë është të mos jemi hipokritë. Zgjidhje ka plot, po askujt sja mban ti vërë në zbatim!
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
