Policia ka sekuestruar 77 kilogramë lëndë narkotike e dyshuar e llojit Cannabis Sattiva, në një banesë.
Në kuadër të finalizimit të operacionit “Return”, policia arrestoi katër persona, njëri prej tyre pronar i banesës.
Pas një pune hetimore disa ditore, Policia e Vlorës ka bërë të mundur realizimin
e këtij operacioni mbi bazën e të cilit u sekuestrua një sasi me lëndë narkotike dhe u kapën në flagrancë bashkëpunëtorët e këtij aktiviteti kriminal.
Në bazë të informacioneve të marra në rrugë operative, gjatë kontrollit të ushtruar në banesën e
shtetasit Sajmir Bitaj në fshatin Fitore të Novoselës, shërbimet kanë gjetur dhe sekuestruar 6 thasë pastikë të zinj të mbushura me lëndë narkotike të llojit Cannabis Sattiva, ku pas peshimit ka rezultuar me peshë totale prej 77 kilogramë.
Nga hetimet e kryera ka rezultuar se në këtë ngjarje janë të përfshirë edhe shtetasit Dorjan Bitaj 33 vjeç, banues në fshatin Kotë,Vlorë, Marildo Krekaj 27 vjeç, banues në fshatin Penkovë, Vlorë dhe Xhuljano Shakaj 22 vjeç, banues në fshatin Fitore Novoselë, të cilët në bashkëpunim me njëri-tjetrin kanë bërë të mundur fshehjen dhe strehimin e lëndës narkotike në banesën në fjalë me qëllim shitjen e saj në treg.
Materialet i kaluan Prokurorisë në ngarkim të këtyre shtetasve për veprën “Prodhimi dhe shitja e lëndëve narkotike, kryer në bashkëpunim” neni 283/2, i Kodit Penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
