Ervin Salianji, Luçiano Boçi, Valentina Duka dhe Izmira Ulqinaku ishin katër deputetët e zgjedhur për të përfaqësuar Partinë Demokratike në Kuvend, gjatë seancës së sotme.
Prezenca e tyre nuk shkoi shumë gjatë, pasi pak minuta pas refuzimit të kërkesës për të pranuar amendimin e LSI, deputetët e opozitës u larguan.
Ndërkohë, ndryshe nga sa pritej, deputetja Rudina Hajdari ka marrë pjesë në seancë duke thyer vendimin e bojkotit.
Deputetja dukej e revoltuar me situatën e krijuar duke hedhur akuza ndaj qeverisë dhe duke u shprehur se studentët nuk kanë besim tek ta.
Gjithashtu ajo ka folur dhe për kodin zgjedhor, dukë kërkuar votimin e saj sa më parë të jetë e mundur.
Kujtojmë se deputetja, në 8 Dhjetor, bëri një deklaratë, ku premtoi se do të dorëzonte mandatin nëse studentët do ta pranonin në protestë. Për Hajdarin, është e rëndësishme që të drejtat e studentëve të plotësohen dhe zëri i tyre të dëgjohet./Droni.al
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
