Lulzim Kulla ka fituar lirinë pas qëndrimit në paraburgim prej datës 23 korrik, kur u arrestua në Pikën e Kalimit Kufitar të Kakavijës.
Por nga dje i forti i Shkodrës është liruar nga burgu, pasi Gjykata mori parasysh edhe gjendjen e tij shëndetësore.
Vendimin, Gjykata e Shkodrës e ka bazuar dhe te gjendja shëndetësore e tij, pasi përveçse vuan nga sëmundja e kancerit të prostatës, ka një këmbë të dëmtuar si dhe ka humbur dëgjimin nga atentati me tritol që i bënë në fillim të këtij viti.
Biznesmeni 43-vjeçar u kap duke tentuar të kalojë kufirin për në Greqi me një pasaportë false.
Ai u paraqit në kufirin shqiptar me identitetin e Alfons Deda. Mbi të rëndon akuza e falsifikimit të dokumenteve zyrtare, por Gjykata ka vendosur ta hetojë në gjendje të lirë.
Kulla u vu në qendër të vëmendjes së publikut në janar të këtij viti, kur u bë objekt i një atentati me tritol në qytetin e Shkodrës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
