VIDEO & EMRA/ Durrës, “Shënjestra” shkatërron grupin kriminal, në pranga 9 persona për atentate grabitje

Specialistët e Drejtorisë Vendore të Policisë Durrës dhe Komisariatit të Policisë Krujë, në bashkëpunim me Drejtorinë e Krimeve të Rënda në Drejtorinë e Përgjithshme të Policisë së Shtetit dhe mbështetjen e Prokurorisë së Rrethit Gjyqësor Krujë kanë finalizuar operacionin e koduar”Shënjestra”.
Puna për këtë operacion ka nisur që më datë 19. 09. 2016, procedim i regjistruar në Prokurorinë e Rrethit Gjyqësor Krujë, i cili u ndoq me metoda speciale të hetimit.
Si rezultat i këtij operacioni është goditur një grup me aktivitet të theksuar kriminal në zonën e Fushë-Krujës dhe Niklës, në fushën e krimeve kundër personit, pronës, prodhimit , shitjes dhe trafikimit të lëndëve narkotike.
Në përfundim të veprimeve hetimore u konkludua në arrestimin në flagrancë të dy personave, ndalimin e 7 të tjerëve  dhe shpalljen në kërkim të një tjetri, gjithsej 10 persona të penalizuar.

U arrestuan në flagrancë

1. Klaudio ISMALAJA, 22 vjeç, banues në Krujë, I dyshuar për veprat penale”Vjedhje me dhunë në bashkëpunim”dhe”Prodhim dhe shitje të lëndëve narkotike”;

2. Arbër(Astrit) RRYÇI, 38 vjeç, banues në Fushë-Krujë, I dyshuar për veprën penale”Prodhim dhe shitje të lëndëve narkotike” në bashkëpunim.

U ndaluan

1. Edison PULA 21 vjeç,  banues në Krujë, I dyshuar për veprat penale“Vrasje me paramendim e ngelur në tentativë””, Shkatërrim i pronës me eksploziv”, “Vjedhje me dhunë”dhe “Prodhimi dhe mbajtja e armëve dhe municioneve luftarake” parashikuar në nenet 78, 139, 152 dhe 278/4 dhe 22 e 25, të Kodit Penal;

2. Edison BAMI 26 vjeç,  banues në Fushë-Krujë, i dyshuar për veprat penale “Vrasje  me paramendim e mbetur në tentativë”  e kryer në bashkepunim,
“Shkatërrim i pronës me eksploziv”dhe “Mbajtje pa leje të armëve luftarake” të parashikuar nga nenet 78  , 22 dhe  152 ,278/2 , 25  të Kodit Penal.;

3. Ilir CACA 45 vjeç, banues në Fushë -Krujë, Efektiv i Policisë së  Burgut ne (I.E.V.P) Zahari,Krujë, i dyshuar për veprat penale “Vjedhja me dhunë”në bashkëpunim të parashikuar në nenet,  139, 25 të Kodit Penal;

4. Marklen HAKA 25 vjeç, banues në Fushë-Krujë, i dyshuar për veprat penale “Vjedhja” dhe “Vjedhja  me dhunë” të parashikuar në nenet 139,  134/2 dhe , 25 të Kodit Penal;

5. Muharrem SHETA 25 vjeç,  banues në Fushë-Krujë, i dyshuar për veprat penale “Vjedhja” dhe “Prodhim dhe  shitje të narkotikëve”   parashikuar në nenet 134/2 dhe 283/2, të Kodit Penal;

6. Fadjol ANAMALI 30 vjeç,  banues në Shkodër, i dyshuar për veprën penale”Fallsifikimit të dokumentave të kryer në bashkëpunim” parashikuar në nenin 186/2 të Kodit Penal; 

7. Arjan ADEMI 36 vjeç,  banues në Tiranë, i dyshuar për veprën penale “Fallsifikimit të dokumentave të kryer në bashkëpunim” parashikuar në nenin 186/2 të Kodit Penal.

Gjithashtu është shpallur në kërkim dhe po punohet për kapjen e

• O. C., 22 vjeç, banues në Krujë, i dyshuar për veprat penale “Vrasje  me paramendim e mbetur ne tentative”  e kryer në bashkëpunim   dhe “Mbajtje pa leje të armëve luftarake”dhe”Prodhim dhe shitje të lëndëve narkotike” parashikuar ne  nenet 78  , 22 dhe  152 ,278/2 ,283/2 e 25  të Kodit Penal.

Ky grup kriminal dhe konkretisht O. C., dhe Edison Pula të ndihmuar dhe nga Edison Bami, më datë 19. 09. 2016, kanë tentuar të vrasin me eksploziv shtetasin G. B. Lëndën shpërthyese këta persona e kanë vendosur në mjetin tip Touareg me targa  AA 020 BH që drejtohej nga shtetasi G. B. dhe aktivizimin e saj e kanë bërë në lëvizje, nëpërmjet celularit.
Ngjarja ka ndodhur në aksin rrugor Nikel-Fushë -Krujë dhe drejtuesi i mjetit ngeli i plagosur.
Shtetasi Arjan Ademi është punonjës,  agjent i një kompanie celulare, ndërsa shtetasi Fadiol Anamali është pronar i dyqanit në Shkodër që ka bërë të mundur shitjen e numrave celularë të këtij grupi kriminal bazuar në dokumenta të falsifikuara dhe në emra të tjerë.
Më datë 07.11.2016,  ky grup dhe konkretisht shtetasit Edison Pula, O. C., Marklen Haka dhe Klaudio Ismalaja në bashkëpunim me njëri-tjetrin dhe nën kërcënimin e armëve kanë grabitur 2 mjete ne aksin rrugor Krujë-Fushë Krujë,  një autoveturë tip Benz Mercedes dhe një mjet tip furgon.
Më datë 19.12.2016,  ky grup dhe konkretisht shtetasit O.C, Klaudio Ismalaja, Muharrem Sheta dhe Arber Rryci,  në bashkëpunim me njëri- tjetrin kanë transportuar një sasi prej 110 kg lëndë narkotike e dyshuar e llojit Cannabis Sattiva nga Tepelena në drejtim të Krujës.
Në aksin rrugor Kavajë –Durrës këta pesona kanë tentuar ti shmangen postbllokut të policisë duke dalë në rrugën dytësore, në afërsi të vendit të quajtur “Shkëmbi i Kavajës”.
Policia është vënë në ndjekje dhe ka arritur të bllokojë sasinë e lëndës narkotike, mjetin tip Mercedes Benz ML, që transportonte lëndën narkotike dhe drejtohej nga shtetasi O.C, mjetin shoqërues tip Ben,  që drejtohej nga shtetasi Klodian Ismalaj duke bërë dhe arrestimin në flagrancë të këtij të fundit.
O. C., ka mundur të largohet duke perfituar nga errësira.

Gjithashtu u arrestua në flagrancë dhe shtetasi Arber Rryci dhe u ndalua shtetasi M.Sheta.

Në këtë operacion janë sekuestruar

• 4 mjete luksoze

1.Mercedes Benz ML ,në pronësi të O.C;

2.një mjet tip Benz Mercedes Avantgarde, në pronësi të shtetasit K.Ismalaja;

3. një mjet tip Benz Mercedes CLS, në pronësi të A.Rryci dhe

4.mjeti tip Benz Mercedes, në pronësi të shtetasit  Ilir Caca

• Shtetasit Arber Rryci i janë sekuestruar një sasi e konsiderueshme kartmonedhash, 11 400 € dhe 95 000 lekë të reja,  ndërsa shetasit Marklen Haka i janë sekuestruar kartmonedha në Dollare, Euro Franga , Paund britanike dhe 60 mijë lekë të reja.

• 20 aparate celulare.

Shtetasit e mësipërm janë të dyshuar dhe për një sërë veprash të tjera të rënda penale,  kryesisht grabitje nën kërcënimin e armëve ,krime kundër personit dhe trafikimit të lëndëve narkotike,  të cilat nga Policia dhe Prokuroria e Rrethit Gjyqësor Krujë janë në fazën e dokumentimit ligjor për këta shtetas dhe persona të tjerë që kanë bashkëpunuar me ta dhe për shkak të kësaj pune nuk jepen të dhëna të tjera që do te dëmtonin sekretin dhe ecurinë e hetimeve.

Për më shumë mund të lexoni edhe …

EMRAT/ Krujë, atentati me eksploziv ndaj Edmond Bejtjas, ndalohen 9 persona
/web/EMRAT_Kruje_atentati_me_eksploziv_ndaj_Edmond_Bejtjas_ndalohen_9_persona_30987_1.php

/DRONI.al/