Mbrëmjen e sotme ka ndodhur një përplasje me armë në zonën e Skelës në Vlorë, pranë Universitetit “Ismail Qemali”. Nga të shtënat është plagosur një 18-vjeçar Brikelo Brahimaj, i cili ka marrë një plumb në këmbën e djathtë.
Nga të dhënat e para mësohet se i plagosuri ndodhet në spitalin e Vlorës ku po merr ndihmën e parë, ndërkohë që është jashtë rrezikut për jetën. Në vendin ku ka ndodhur përplasja me armë ka shkuar policia.
Ende nuk dihen rrethanat e ngjarjes dhe identiteti i të plagosurit, por paraprakisht mësohet se bëhet fjalë për një sherr mes disa të rinjve që më pas ka përfunduar në të shtëna me armë.
Pritet që të bëhet sekuestrimi i kamerave të sigurisë në zonën ku ndodhi plagosja si edhe të bëhet marrja në pyetje e dëshmitarëve
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
