Vazhdon të jetë e tensionuar marrëdhënia mes Greqisë dhe Shqipërisë pas ngjarjes në Bularat, ku u vra nga forcat RENEA 35-vjeçari grek Konstantinos Katsifa.
Së fundmi, mësohet se një zyrë turistike shqiptare në qendër të Athinës është sulmuar me bomba molotov. Sipas mediave greke, bombat e molotovit u hodhën në pjesën e përparme të kësaj zyre nga persona të paidentifikuar.
Fillimisht kjo ngjarje nuk u raportua nga asnjë media. Sulmi ka ndodhur paraditen e djeshme.
Policia e Athinës thotë se nuk ka persona të lënduar nga sulmi me bomba molotov.
Hetuesit e lidhin këtë ngjarje me vrasjen e minoritarit Katsifas, që mbeti i vdekur në fshatin Bularat nga shkëmbimi i zjarrit me policinë.
Kujtojmë se protesta të ashpra pati në ambasadën e konsullatën shqiptare, veçanërisht pas protestave të udhëhequra nga përfaqësues të Agimit të Artë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
