Detaje të reja mësohen nga ngjarja e rëndë e ndodhur në Mat. Kanë ndërruar jetë dy punonjës të Bashkisë. Ndërkohë një tjetër person ka mbetur i plagosur.
Sipas burimeve jo zyrtare, ka pasur një konflikt mes dy lagjeve, për një rrugë, dhe punonjësit e bashkisë ndodheshin aty për të zgjidhur problematikën.
Burime nga vendi i ngjarjes bëjnë me dije se tre punonjës të Bashkisë së Matit kishin shkuar në fshatin Shëlli për të hapur një rrugë të zënë nga një banor i zonës.
Në momentin që janë ulur në lokalin e fshatit për të drekuar ata janë qëlluar me automatik pikërisht nga personi që kishte zaptuar rrugën. Për pasojë dy prej tyre kanë humbur jetën dhe një i tretë është plagosur.
Të plagosur janë shoferat e Bashkisë Mat, një prej të cilëve është plagosur në kokë dhe më pas ka ndërruar jetë, ndërsa tjetri në këmbë. Po ashtu viktimë ka mbetur dhe një person tjetër i paidentifikuar.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
