Vëllezërit gurë mbi Policinë, një në pranga një në kërkim

Dy vëllezër në qytetin e Bulqizës kanë kundërshtuar me forcë policinë ditën e sotme dhe e kanë sulmuar me gurë dhe sende të forta.
Ngjarja ka ndodhur ditën e sotme ku Policia shkoi në banesën e vëllezërve Tançi, pasi gjeti mjetin e njërit prej tyre të përmbysur në një nga rrugët e qytetit.
Shërbimet e Komisariatit të Policisë Bulqizë, kanë shkuar në banesën e shtetasit Bajram Tançi, ku ky i fundit sapo ka parë policinë së bashku me vëllain e tij Besim Tançi kanë kundërshtuar me forcë si dhe goditur me gurë njërin nga  punonjësit e policisë duke i shkaktuar dëmtime fizike  dhe më  pas janë larguar me  vrap.
Shërbimet e policisë u janë vënë në ndjekje ku kanë kapur dhe arrestuar njerin prej vëllezërve për veprën Kundërshtim i punojësit të policisë së rendit,  shtetasin :
Besim Tançi, 50 vjeç banues në Vajkal Bulqizë, i dënuar më parë për veprën penale Armbajtje pa leje.
Si dhe u shpall në kërkim vëllai tjetër   që është dhe drejtuesi i automjetit shtetasi Bajram Tançi, 35 vjeç,  banues në Vajkal Bulqizë për veprat penale , Kundështim i punonjësit të policisë së rendit, Drejtim i automjetit në gjendje të dehur apo pa dëshmi;Goditje për shkak të detyrës, Mosbindje ndaj punonjësit të policisë së rendit parashikuar nga nenet  236/2 , 291, 237, 242, të Kodit Penal.

/DRONI.al/