Kryetari i Grupit Parlamentar të Partisë Socialiste, Taulant Balla i konsideroi “grup të strukturuar” kryetarin e Partisë Demokratike, Lulzim Basha, gazetarin Basir Çollaku dhe oficerin e Policisë, Emiljano Nuhu. Balla tha se ka edhe persona të tjerë të këtij grupi, duke i bërë thirrje Prokurorisë që të marrë në pyetje Lulzim Bashën.
Balla: “Prokuroria ka regjistruar procedim penal ndaj të akuzuarave. U informuan prej meje për kallëzimin penal që kam bërë ndaj tyre. Kam depozituar të gjitha provat që plotësojnë të gjitha kallëzimet. Është një betejë të cilën do ta fitoj për interes të qytetareve ku del një budalla dhe shpif. Basha të vijë këtu dhe të përballet. Unë mbaj përgjegjësi për kallëzimet që kam bërë unë.
Marrja në dorëzim e provave, dëshmitë dhe gjithë rrethanave të tjera. Kemi një pasqyrë të qartë të një grupi të strukturuar mes Lulzim Bashës, Emiljano Nuhut, Basir çollakut dhe persona të tjerë të identifikuar, të cilët do të mbajnë përgjegjësi.
Çështja për të cilën isha unë është vetëm kallëzimi im penal. Më datë 10, Lulzim Basha nëse kthehet në Shqipëri e pres në Gjykatën e Tiranës edhe për një çështje tjetër. Prokuroria, Lulzim Bashën, kreun e ‘babaleve’ duhet ta thërrasë. Një opozitë pa program ka përfunduar në një Kiniostudio të Babaleve”.
Balla ka qëndruar rreth 120 minuta në Prokurorinë e Tiranës ku është marrë në pyetje në lidhje me rastin e Xhisiela Malokut.
Oficeri Nuhu ka treguar se, kreu i grupit parlamentar të PS-së deputeti Taulant Balla ka ardhur e ka liruar nga Komisariati i Fushë Krujës djalin e deputetit, ndaj të cilit ishte prerë fletë arresti.
“Kjo shtetase ka shkuar në disa komisariate për të bërë kallzim por nuk është marrë kallzim nga oficerët e policisë gjyqësore për shkak të ndikimit dhe influencës së madhe që ka pasur babai i tij, i Rexhep Rrahjes që është deputeti i Partisë Socialiste në zonën e Krujës dhe miqve të tij si Taulant Balla dhe kryetarit të bashkisë së Krujës i Partisë Socialiste zoti Artur Bushi kanë bërë të mundur që kjo shtetase Xhensila Maloku para Vitit të Ri ose në fund të vitit 2017 ka shkuar për të bërë kallzim në komisariatin numër 6 në Tiranë për të njëjtën”, tha Nuhu gjatë intervistës së publikuar pak ditë më parë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
