Polici i plagosur Christian Movio dhe kolgu i tij hero, Luca Scata
Polici hero i cili qëlloi të dyshuarin e masakrës së tregut të Krishtlindjeve në Berlin, ishte thjesht një fillestar i cili kishte vetëm disa muaj që kishte filluar punë si polic.
Luca Scata, mundi të ndiqte dhe të qëllonte duke e lënë të vrarë, burrin më të kërkuar në Evropë Anis Amrin.
Siciliani, i cili punon në Milano, iu afrua vrasësit jashtë stacionit Sesto San Giovanni në pjesën veriore të Italisë ndërkohë që ishte duke patrulluar me kolegun e tij Christian Movio.
Ata i kërkuan atij dokumentet e identifikimit sepse i ngjante të dyshuarit të sulmit në Berlin, kur Amri nxori një armë nga çanta e tij dhe hapi zjarr duke thërritur “Allahu Akbar”.
Movio u plagos në shpatull ndërkohë që Amri filloi të vraponte e më pas u fsheh pas makinave ndërkohë që vazhdonte të qëllonte.
Scata filloi ta ndiqte dhe e qëlloi duke e lënë të vdekur në rrugë.
Oficeri i plagosur i policisë u dërgua në spitalin e San Gerardos në Monza, për plagën e tij në shpatull.
Ai kishte veshur një jelek antiplumb dhe plaga ishte sipërfaqësore duke i lejuar atij kurim të shpejtë dhe lëvizshmëri të plotë të krahut.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
