Është ndarë nga jeta në moshën 53 vjeçare ylli muzikor i viteve të 80-ta, George Michael.
Ai vdiq të dielën e 25 dhjetorit 2016
“Me pikëllim të thellë mund të konfirmojmë se biri, vëllai dhe miku ynë i dashur George ndërroi jetë paqësisht në shtëpi gjatë krishtlindjeve. Familja kërkon të respektohet privatësia e saj në këto momente të rënda e emocionale. Nuk do të ketë komente të tjera në këtë periudhë”, citohet të ketë thënë zëdhënësi i tij.
Këngëtari i hiteve “Faith”, “Careless Whisper” dhe “Last Christmas,” ndërroi jetë në shtëpinë e tij në Oxfordshire të Anglisë.
Këngëtari i cili emrin e vërtetë e ka Georgios Kyriacos Panayiotou ka shitur më shumë se 100 milionë albume gjatë gjithë karrierës së tij gati 40 vjeçare
Këngëtari u gjet i vdekur në krevatin e tij dhe ish-menaxheri i tij tha se shkaku i vdekjes ishte një infarkt
Në të kaluarën Michael është përballur më një pneumoni të rëndë që e vuri në koma në vitin 2011.
George Michael, i lindur si Georgios Kyriacos Panayiotou në Londër, fillimisht u bë i famshëm me duetin Wham! me partnerin e tij, Andrew Ridgeley.
Kjo mendohet se është fotoja e fundit e fotografuar ne publik e George Michael.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
