Një vajzë 5 vjeçare në fshatin Kurjan të Fierit u përplas për vdekje në 30 Qershor të këtij viti nga një makinë Ford, e cila fatkeqësisht i mori dhe jetën.
Por ajo çka është akoma dhe më shumë tragjike është fakti se raporti i aksidentit është manipuluar dhe ndërkohë autori i tragjedisë endet i lirë dhe nuk është arrestuar.
Kanë qënë familjarët e vogëlushes, veçanërisht gjyshja e sa, e cila nëpërmjet emisionit ‘STOP’ ka kërkuar të bëjë publike bisedën me prokurorin e çështjes i cili u ka thënë se dhimbja ka kaluar dhe tashmë duhet të ruajnë qetësinë.
Sipas gazetarit të emisionit “Stop” prokurori manipuloi shpejtësinë e automjetit, i cili mund të ketë qenë 60-70 km në orë.
Çfarë ka ndodhur me çështjen nga ana e prokurorit?
Pas hetimit nga Policia e Fierit, çështja u çua në prokurori, ku iu caktua prokurorit Hysen Ajasllari.Prokurori Ajasllari e referoi arrestimin e drejtuesit të automjetit në Gjykatën e Shkallës së Parë të Fierit për një masë më lehtësuese.
Më pas Gjyqtarja Ejona Lazellari vendosi “lirim të menjëhershëm” dhe “detyrim paraqitjeje në Policinë Gjyqësore” për drejtuesin e automjetit që i mori jetën 5-vjeçares.
Çfarë thotë gjyshja?
“Ka manipuluar shumë gjëra, si shpejtësinë e makinës, që e kam parë me sytë e mi dhe nuk mund të më çojë dot syze miopi ekspertiza mua. E pa dhe nusja, e ëma e fëmijës, që e mori të gjakosur. Unë nuk e lej dot gjakun e saj në trotuar, ku u vra. Nuk e lej ta marrin nëpër këmbë, të shitet e të blihet me lekë nga prokurorë, ekspertë e kushdo tjetër. Nuk ia fal askujt se për mua kjo ka korrupsion, ka vjedhje, ka rryshfete!”.
Pjesë nga biseda e regjistruar
Gjyshi – Në rregull, në rregull. Kam ardhur këtu, të kam kërkuar 3 herë. Ajo zonja aty poshtë thotë jo është këtu, është me pushime, është këtu, është andej. Ne kërkojmë vetëm drejtësi…
Prokurori – Në rregull!
Gjyshi – Me ç’po shoh unë, me këto letra që kam unë… se edhe unë kam letra, edhe atë akt-inspektimin, akt-ekspertizën.
Gjyshja – Eh… Zot i madh!
Prokurori – Nuk është nevoja!
Gjyshi – Po!
Prokurori – E kam unë këtu.
Gjyshi – Dhe këtu…
Gjyshja- Vritet djali për 20 km në orë? Vritet?
Gjyshi – Ja të mbaroj unë!
Prokurori– Nuk ka pas shkelje drejtuesi i mjetit… Jepi shpjegime tani këtij!
Gjyshja – Unë e kam parë për herë të parë, unë isha te shkallët e shtëpisë time.
Prokurori – Tani ka kaluar dhimbja… me qetësi!
Gjyshja – Jo, jo nuk ka kaluar dhimbja kurrë, derisa t’i vete drejtësia, sa t’i gjendet drejtësia asaj.
Prokurori – Një sekondë!
Gjyshja – Dhimbja s’kalon, sa t’i gjendet drejtësia asaj…, prehem unë në paqe.
Prokurori – Një sekondë!
Gjyshi – Dëgjoje prokurorin, dëgjoje! Ne na fal se po flasim shumë!
Prokurori – Po flet shumë, or burrë!
Gjyshi – Po, neve nuk do ta lëmë me kaq, zoti prokuror!
Prokurori – Ore, mos më bëj presion!
Gjyshja – Lëri, jo jo, ti flet ligjet e tua, flet ligjin.
Prokurori – Gjërat e mia janë të shkruara këtu, çdokush të vijë ta kontrollojë. Nëqoftëse unë bëj gabim të më çojnë mua në burg. Dakord?
*Marrë me shkurtime nga Klan tv
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
