Një sherr i madh me thika ka ndodhur në qytetin e Vlorës, në zonën e Lungomares. Nga konflikti është plagosur një shtetas 21 vjeç, i cili ndodhet në spital.
Dyshohet se përplasja dhe sherri ka ndodhur për motive banale, ndërkohë që 17 vjeçari që ka plagosur me thikë, është arrestuar nga policia.
Njoftimi i Policisë së Vlorës:
Kapet autori i plagosjes së ndodhur mbrëmjen e kaluar.
Arrestohet shtetasi E. P., 17 vjeç, banues në Vlorë.
Më datë 22.08.2018, rreth orës 23:00, në zonën e Lungomares ka ndodhur një konflikt ku për pasojë është plagosur me mjet prerës një shtetas.
Shërbimet e policisë shkuan në vendin e ngjarjes ku konstatuan se në lagjen “Pavarësia”, shtetasi E.P, ka goditur me mjet prerës “thikë” shtetasin R.S., 21 vjeç, banues n? fshatin Babicë e Madhe Vlorë, i cili ndodhet në Spitalin Rajonal Vlorë duke marrë ndihmë mjekësore, jashtë rrezikut për jetën.
Nga veprimet e mirëorganizuara dhe të shpejta policore, u bë e mundur identifikimi dhe kapja në kohë e autorit në qytetin e Vlorës.
Dyshohet se konflikti ka ndodhur për motive .të dobëta.
Materialet iu referuan Prokurorisë në ngarkim të këtij shtetasi për veprën penale “Plagosje e rëndë me dashje”, parashikuar nga neni 88 i K.Penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
