Është Grabitur shtëpia e aktorit të njohur italian Alessandro Gassmann, në qendrën historike të Romës. Hajdutët hynë në vendbanimin e aktorit natën ndërmjet 15 dhe 16 gushtit duke vjedhur, përveç veshjeve dhe objekteve të arit, edhe disa çmime filmash të fituara nga ai dhe babai i tij Vittorio.
Vjedhja u konstatua nga punëtorja e shtëpisë pasi hyri në apartament disa orë pas vjedhjes. Ndërkohë policia po heton rastin.
Kriminelët kanë shfrytëzuar mungesën e Gassman dhe familjes së tij, të cilët ndodhen jashtë vendit, për të vjedhur në shtëpinë e tij në rrugën dei Coronar.,
Lajmin e konfirmoi në tëitter edhe aktori ku shkruan: Dua të falënderoj me gjithë zemër të gjithë ata që më kanë dërguar mesazhe për vjedhjen e shtëpisë. Ne do të mbijetojmë, unë jam një njeri me fat dhe nuk do ta harroj. Falenderoj policinë për punën që po bën.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
