Pamje tmerri, po edhe solidariteti i madh human gjatë një miqësoreje të zhvilluar në stadiumin “Mesa College” të San Diego’s, në California, mes dy klubeve meksikane, Atlas dhe Xolos de Tijuana.
21 vjeçari Diego Cruz, mbrojtësi i Atlas u përplas me një kundërshtar.
Për pasojë të impaktit të dhunshëm futbollisti u përplas përdhe duke rënë pre e konvulsioneve.
Kundërshtari, futbollisti i Xolos de Tijuana, Yasser Corona, nxitoi të japë ndihmën e shpejtë dhe pas tij ishte stafi mjekësor ai që ka ndërhyrë duke stabilizuar mbrojtësin e Atlas, që më pas është transportuar për në spital.
Më pas ishte vetë klubi i futbollistit, Atlas që ka konfirmuar se djaloshi është shëndoshë e mirë dhe se nuk ka konseguenca.
Corona, për shumë tifozë do të jetë një hero dhe mbi të gjithë do të jetë i tillë për kundërshtarin e tij, Diego, që mund të ketë shpëtuar falë tij.
Më vonë, edhe vetë i shpëtuari Diego e falënderoi Yasser Corona për ndërhyrjen e menjëhershme, nëpërmjet një mesazhi në Twitter.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
