“Shqiptar i mirë, Shqiptar i vdekur” ishin fjalët e ekstremistëve të cilët i thanë këto fjalë përballë presidentit Ivanov.
Gjatë kohës kur presidenti i Maqedonisë, Gjeorge Ivanov po merrte pjesë në ceremoninë e festimit të kryengritjes së Ilindenit, një grup ekstremistësh maqedonas kanë lëshuar fjalë antishqiptare.
Ajo çka vlen për tu dënuar është sjellja e Ivanov, i cili nuk i ka dënuar fyerjet.
Ministria e Jashtme e Shqipërisë ka reaguar për ngjarjen dhe ka kërkuar që institucionet të vendosin përpara drejtësisë personat përgjegjës.
Ngjarjen e ka dënuar edhe qeveria e Maqedonisë, e drejtuar nga Zoran Zaev:
“Qeveria e Republikës së Maqedonisë i dënon thirrjet për urrejtje dhe dhunë, që janë në kundërshtim me interesat e qytetarëve të Republikës së Maqedonisë dhe u bën thirrje institucioneve kompetente t’i hetojnë këto dukuri dhe të marrin masa adekuate. Ilindeni është ditë për bashkim dhe jo ndarje.”
Ndërkohë, Presidenca maqedonase nuk ka lëshuar ende asnjë deklaratë për t’u distancuar nga korret raciste.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
