Presidentja e senatit të Holandes, Ankie Broekeres-Knol tha se Shqipëria është pjesë e familjes europiane. Në një konferencë të përbashkët me kreun e Kuvendit Gramoz Ruçi, ajo tha se ky do të jetë një vit i vështirë për Shqipërinë, por shprehu bindjen se kjo është mundësi e mire qe Shqipëria të punojë fort dhe të plotësojë kushtet në mënyrë që në qershor të 2019 të hapë kapitujt e negociatave me BE.
”|Shqipëria është një vend europian dhe i përket familjes europiane dhe për këtë unë jam e bindur.
Unë jam e bindur se deri në qershor 2019 ju do të keni përmbushur detyrimet tuaja për të hapur negociatat dhe më von për tu bërë anëtare e BE.
Edhe pse ky do të jetë një vit shumë i vështirë unë mendoj që është një mundësi shumë e madhe që Shqipëria do të punojë fort në mënyrë që vitin tjetër askush mos ketë më për çfarë të ankohet për atë çfarë Shqipëria ka bërë dhe ka përmbushur në lidhje me mundësinë e saj për tu bërë ndoshta në të ardhmen një vend anëtar i BE.
Si kryetare senatit Holandes unë jam e impresionuar nga puna që ka bërë Shqipëria deri tani.
Do të veçoja punën e bërë në reformën në drejtësi dhe në procesin e vettingut që është një proces unik dhe është i vlefshmë për të gjithë.
Shqipëria ka bërë një punë jashtëzakonisht shumë të mirë në këtë drejtim. Unë jam e bindur se duke filluar nga tani, ky vit që keni përpara për Shqipërinë do të thotë përmbushje e të gjitha detyrimeve. Kështu që në qershor 2019 ju do të hapni kapitujt e negociatave për tu bërë një anëtar dhe për të qëndruar një anëtar i përhershëm i BE.” – u shpreh Ankie Broekeres-Knol presidente e senatit të Holandes
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
