Shqiptari, i cili hyri në Britani të Madhe duke u hedhur anën e pasme të një kamioni dhe duke gënjyer policët se ishte një refugjat kosovar, gjurmohet në vendpushimin e tij turistik bregdetar në Vlorë pas 6 vitesh shpallje në kërkim.
Daily Mail shkruan se Elidon Habilaj, 40 vjeç, kërkonte azil në Mbretërinë e Bashkuar me një emër të rremë me pretekstin se po i largohej Kosovës së shkatërruar nga lufta e 1998. Pasi arriti të merrte shtetësinë, u zbulua se kishte gënjyer dhe autoritetet në mungesë të tij e dënuan me 18 muaj burg.
Kush ishte Elidon Habilaj?
Ai kishte punuar në policinë britanike si pjesë e FBI-së dhe e agjencisë kombëtare të Krimit. Agjencia e Krimeve kishte hetuar Habilajn, pa e kuptuar se ai ishte punonjës i saj.
Shqiptari arriti në Britani në vitin 1998 dhe pretendonte se ishte një kosovar me emrin Bekim Ademi. Ai tregoi se vëllai i tij ishte torturuar me vdekje dhe babai i tij ishte vrarë nga Ushtria Çlirimtare e Kosovës.
Ai u punësua nga Policia Metropolitane dhe më vonë Soca, ku punoi si një oficer i shërbimit të fshehtë në ekipin e tij të vendndodhjes në Londër, duke ndihmuar në gjetjen e kriminelëve të dyshuar të kërkuar për ekstradim.
Më në fund, ai u demaskua pas kontrolleve të cilat zbuluan se ai kishte lindur në Shqipëri dhe jo në Kosovë, ai nuk kishte një vëlla dhe babai i tij ishte gjallë dhe ende jetonte në qytetin e tij.
Pasi ai u arratis para gjyqit, gjyqtari Martyn Zeidman QC lëshoi një urdhëresë për kapjen e tij dhe arrestimin e Habilajn nëse ai gjurmohet. Urdhëri mbetet ligjërisht në fuqi derisa i dyshuari Habilaj të kapet ose të kthehet vullnetarisht për t’u përballur me drejtësinë angleze.
Përgatiti: K.Balliu
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
