Donald Trump ka paralajmëruar se do të takojë presidentin e Koresë së Veriut, Kim Jong-un në Singapor më 12 qershor. Deklaratat e tij vijnë një javë, pasi ai paralajmëroi se ky takim ishte anuluar. Z. Trump bëri këtë njoftim pas bisedimeve me një të dërguar të lartë të Koresë së Veriut në Shtëpinë e Bardhë.
Ai gjithashtu tha se Koreja e Veriut “donte të bënte denuklearizimin”, edhe pse Veriu nuk e konfirmoi këtë.
I dërguari, gjenerali Kim Yong-chol, dorëzoi me dorë një letër nga udhëheqësi i Koresë së Veriut tek Presidenti Trump.
Z. Trump tha se ishte “një letër shumë interesante dhe në një moment mund të ishte e përshtatshme” për ta ndarë atë. Ai më vonë tha se ende nuk e kishte lexuar atë.
Ai tha gjithashtu se çështja e të drejtave të njeriut nuk u diskutua.
Planifikuar të ndodhë në Singapor, takimi historik midis z. Trump dhe Kim Jong-un do të ishte i pari midis udhëheqësve të SHBA dhe të Koresë së Veriut në më shumë se 50 vite që pas krijimit të shtetit komunist.
