Nënkryetari i PD Edmond Spaho i konsideroi gënjeshtra deklaratat e ministrit Damian Gjiknuri ndërsa tha se askush nga qeveria nuk po konsultohet me banorët e Kukësit.
“Damian Gjiknuri, një nga ministrat më të korruptuar të Edi Ramës, gënjeu sot kur tha se, qeveria po konsultohet me banorët e Kukësit për një tarifë të reduktuar për ta. Askush nga qeveria nuk ka takuar asnjë kuksian për faktin e thjeshtë se, qeveria e Edi Ramës nuk punon për interesin e kuksianëve dhe shqiptarëve të zakonshëm, por për interesin dhe xhepat e vet dhe oligarkëve duke grabitur Shqipërinë për t’u pasuruar vetë. Asnjë nga qeveria e Ramës nuk i takon kuksianët e zakonshëm, sepse ata janë kundër pagesës së dyfishtë për të shkuar në shtëpinë e tyre. Ata paguajnë një herë taksën “Rama” tek karburanti me çmim të rritur, 240 lekë për litër dhe nuk kanë pse të paguajnë edhe taksën korruptive të Rrugës së Kombit. Partia Demokratike mbështet kërkesën e banorëve të Kukësit për të mos paguar asnjë qindarkë shtesë për qarkullimin e tyre në “Rrugën e Kombit”. Çdo vendim tjetër tregon se Rama nuk e ka mësuar mësimin e 31 Marsit!”.
Ministri i Infrastrukturës Damian Gjiknuri u shpreh besimplotë për gjetjen e një zgjidhjeje për përdoruesit e shpeshtë të Rrugës së Kombit, për vendosjen e një tarife të reduktuar.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
