Policia e Durrësit ka konfirmuar ngjarjen e sotme, të plagosjes së një nxënësi të një shkolle 9-vjeçare, ndërsa bën të ditur se ka identifikuar dy autorët e dyshuar, ka kapur njërin prej tyre dhe po punon edhe për prangosjen e tjetrit.
Burime zyrtare të Policisë Vendore, bënë të ditur se sot, në lagjen Nr. 4 janë konfliktuar për motive të dobëta nxënësit e një shkolle 9- Vjeçare.
Konflikti ka ndodhur jashtë ambienteve të shkollës.
Nga ky konflikt është plagosur në shpatull me mjet prerës, thikë, shtetasi A. S., 15 vjeç, banues në Durrës, i cili është jashtë rrezikut për jetën.
Me të marrë njoftim menjëherë në vendngjarje kanë shkuar Efektivet e Policisë, të cilët kanë këqyrur vendin e ngjarjes dhe mbledhur provat materiale.
Grupi hetimor ka bërë të mundur identifikimin e autorëve dhe ka prangosur njërin prej tyre, S. D., ndërsa po punon për kapjen e tjetrit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
