Shtëpia e kryeplakut të fshatit Komsi në Mat mbrëmjen e së hënës është sulmuar me breshëri automatiku.
Policia e Matit thotë se shtëpia e A.B, 64 vjeç, banues në fshatin Komsi është qëlluar 15 herë me armë zjarri automatik nga një distancë 50 metra.
Nuk ka të lënduar ndërsa dëmet nga të shtënat janë të vogla. Në njërën nga dhomat e banesës është thyer xhami i jashtëm i dritares, dhe në pjesën e jashtme të banesës ka disa vrima të shkaktuara nga predhat e qitura.
Grupi hetimor ka mbledhur dhe sekuestruar në vendngjarje 15 gëzhoja dhe ka identifikuar autorin e dyshuar të ngjarjes si A.GJ, 26 vjeç, me precedent të mëparshëm kriminal. Autori i dyshuar është shpallur në kërkim.
Policia thotë se paraprakisht dyshohet se shkaku është për motive të dobëta, teksa nuk ka informacione nëse ngjarja ka lidhje me detyrën e të dëmtuarit si kryeplak.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
