Lideri i Koresë së Veriut Kim Jong-un dhe presidenti i Shteteve të Bashkuara Donald Trump do të takohen në muajin maj.
Lajmi i takimit të dy armiqve është bërë i ditur nga zyrtarë të Koresë së Jugut.
Raportohet se ishte lideri koreano-verior kërkoi takimin me shefin e Shtëpisë së Bardhë. Duket se situata e tensionuar mes dy shteteve po zbutet, por Trump ka disa kushte para takimit, mes tyre është çështja nukleare.
Që kur Trump mori detyrën, SHBA-ja ka ndërmarrë disa sanksione të rënda ndaj Koresë së Veriut
Presidenti i Koresë së Jugut, Moon Jae-in, tha se ky është një moment historik për paqen.
“Nëse presidenti Trump dhe lideri Kim takohen pas një samiti mes dy Koreve denuklearizimi i plotë i Gadishullit Korean do të vihet në rrugë të duhur”, tha Moon.
Trump tha se njoftimi i zyrtarëve jugkoreanë është një “përparim i madh”, por shtoi se sanksionet kundër Koresë së Veriut do të mbeten derisa të arrihet një marrëveshje e fuqishme.
Sekretarja e tij për media, Sarah Sanders tha se vendi i takimit dhe koha do të përcaktohen.
Megjithatë, analistët mbeten skeptikë se çfarë mund të arrijnë bisedimet e tilla, të organizuara shpejt.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
