Programi “Dua të të bëj të lumtur” i Arbana Osmanit, solli në studion e “Top Channel” një nënë 75-vjeçare, e cila kërkonte të ritakonte të birin, pas 7 vitesh.
Jorgji Bincani, jeton në azil prej vitit 2010 dhe shkak për këtë u bënë konfliktet me nusen e djalit. Që prej asaj kohe, ajo nuk i sheh më, asnjërin prej tyre, as të birin e as nipërit.
“Dua të të bëj të lumtur” bëri të mundur ritakimin e nënë Jorgjisë me të birin Nikon, i cili mbeti pa fjalë për ballë portretit të së ëmës, që kish pranuar të hidhte gjithçka pas krahëve, vetëm që të mos humbiste kontaktet me djalin.
Krah Nikos, u ul me kërkesë të nënë Jorgjisë edhe nusja, e cila shpërtheu në lot dhe kërkoi falje për ato çfarë kishin kaluar, me justifikimin se asokohe ajo po vuante prej depresionit post-partum (paslindje).
Asnjë nuk i përmbajti dot lotët, kur mbesa e nënë Jorgjisë nisi të qarën me ngashërim, për gjyshen që s’e shihte prej vitesh.
Në fund të programit, familja u bashkua, por megjithatë nënë Jorgjia do të vazhdojë të jetojë në azil, e vetmja gjë që ajo kërkon është të mos harrohet nga familja e saj.
E moshuara Jorgji Vincani dëshmon se në azilin e Gjirokastrës, ku janë të strehuar shumë të moshuar, ndodh që fëmijët të shkojnë t’i marrin prindërit dhe t’i kthejnë atje pas një muaji sërish.
Pas një bisede në studio, djali dhe nusja i kërkojnë nënës që të rikthehet serish tek ata, por ajo nuk ka pranuar duke iu referuar rasteve të sipërpërmendura.
“Mjafton që ju të kujtoheni, të flasim në telefon, që edhe unë ta di që kam një njeri”, – është shprehur Jorgji Vincani.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
