Një 43-vjeçar shqiptar është arrestuar nga policia greke për shkak se aksidentoi me makinë për vdekje një 63-vjeçar. Ngjarja ka ndodhur në qytetin Karditsa në një rrugë rurale.
Duke drejtuar një furgon, shoferi shqiptar përplasi biçikletën me të cilën lëvizte 63-vjeçari, dhe më pas u largua nga vendngjarja. I plagosuri u dërgua në spital në gjendje të rëndë dhe më pas ndërroi jetë.
Ndërkohë, pasi u largua nga vendngjarja, shqiptari u përfshi në një tjetër aksident automobilistik pranë stacionit hekurudhor të qytetit. Furgoni i drejtuar prej tij kishte humbur kontrollin duke dalë nga rruga, ndërsa 43-vjeçari pësoi lëndime të lehta.
Ai u identifikua nga policia si personi përgjegjës që kishte përplasur për vdekje 63-vjeçarin. Shoferi shqiptar u arrestua dhe u dërgua në spital për trajtim mjekësor. Identiteti i tij nuk është bërë me dije nga mediat greke.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
