Pak ditë më parë ministri i Jashtëm i Greqisë, Nikos Kotzias, deklaroi se vendi i tij do të shtojë hapësirën detare me 12 milje, të cilat do ia falë Shqipëria, pas negociatave të zhvilluara në Kretë dhe Korçë, mes ministrave të Jashtëm të dy vendeve.
Deklarata e Kotzias shkaktoi një seri reagimesh në Shqipëri, ndërsa sot para godinës së Qeverisë u zhvillua një protestë nga shoqëria civile dhe qytetarët, që i kanë lënë 5 ditë afat Edi Ramës të publikojë marrëveshjen dhe negociatat mes Ditmir Bushatit dhe Nikos Kotzias.
Por duket se ky debat ka përfshirë edhe shqiptarët jashtë Shqipërisë, ata që jetojnë në Europë apo SHBA. Një i ri shqiptar, i cili punon në një piceri në Massachussetts i ka shpjeguar kolegut të tij të huaj që kryeministri shqiptar ka bërë ujdi me shtetin grek për shitjen e detit. Reagimi i tij ka qenë i papritur dhe shqiptari nuk ka ngurruar ta filmojë.
