Njëri sens i autostradës Elbasan-Tiranë vijon të jetë i bllokuar si pasojë e masivit shkëmbor që u shkëput ditën e djeshme nga skarpati anësor. Dje ai bllokoi të gjithë rrugën, ç’ka solli edhe devijimin e lëvizjes së mjeteve nga Elbasani në drejtim të Tiranës.
“BW” raporton se situata paraqitet e rënduar dhe do të vijojë e tillë edhe për 48 orët e ardhshme, pasi segmenti i rrugës Elbasan-Tuneli i Krrabës do jetë i paqarkullueshëm. Ndërkohë sot në vendngjarje kanë mbërritur specialistë nga Tirana, si dhe Sektori i Emergjencave Civile të prefektures Elbasan, por edhe vetë drejtori i Autoritetit Rrugor Shqiptar, Afrim Qëndro.
Mësohet se specialistët dhe gjeologët e ardhur nga Tirana, po kryejnë matjet e nevojshme për të kuptuar pse ka ndodhur ky fenomen. Gjithashtu do të bëhet ristudimi gjeologjik i zonës ku kanë ndodhur shkarjet e tokës në Mamël dhe do të nisin hetimet për projektuesit e studimin gjeologjik të kryer më herët për këtë rrugë.
Në këtë pikë të aksit rrugor janë dislokuar mjete të shumta të tonazhit të rëndë, të cilat janë angazhuar për pastrimin e masivëve të shkëmbinjve. Lëvizja e mjeteve nga Elbasani në Tiranë bëhet ende nga rruga e vjetër në “Qafë Krrabë”./ BW/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
