Në deklaratën e sotme për mediat, ku akuzoi qeverinë se do të pastorjë paratë e pista të drogës me koncensionet dhe projektin “1 Miliardë” që ka përfshirë në projektbuxhetin e vitit 2018, kreu i PD iu përgjigj pyetjeve të gazetarëve edhe për kërkesën e PS për shkarkimin e Kreut të KQZ, Klement Zguri. Duke ju referuar kësaj çështje, Basha tha se Edi Rama po përpiqet të zhvendosë vëmendjen e opinionit publik nga krimi dhe dosja e Tahirit, duke prodhuar shou. Sipas kreut të opozitës, Edi Rama është i gatshëm të zhvishet lakuriq për të mbrojtur ish-ministrin e Brendshëm. “Edi Rama është gati të zhvishet lakuriq për t’iu shmangur pyetjes se pse e mbrojti Saimir Tahirin? Pse nuk thotë një fjalë për paratë e drogës dhe patentat e lundrimit të Tahirit të kapura. Ka dy javë që hesht për që t’i shmanget këtyre pyetjeve. Ai po bën dhe do bëjë gjithçka, por nuk do t’ia dalë”, deklaroi Basha.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
