SKANDAL/ Udhëzimi i fshehtë, KQZ-ja bllokon regjistrimin e LIBRA-s për zgjedhje

Partia e Ben Blushit nuk mund të regjistrohet në KQZ për zgjedhjet e ardhshme. Të paktën momentalisht.
KQZ-ja ka bërë një udhëzim për partitë e reja, çka duket sikur është bërë posaçërisht kundër LIBRA-s.
Gazeta “Panorama” shkruan se sipas nenit 68 pika 2 të Kodit Zgjedhor duhen te mbledhin 5000 firma vetëm partitë qe nuk kanë një mandat në Kuvend 6 muajt e fundit. Çdo parti që ka të paktën dy mandate të paktën 6 muajt e fundit në Kuvend para zgjedhjeve, ka të drejtë të regjistrohet pa mbledhur 5 mijë firma.
Një kriter të tillë e plotëson edhe LIBRA me Hafizin dhe Blushin. Mirëpo, KQZ ka nxjerrë një udhëzim tjetër për këtë çështje.
Sipas udhëzimit të ri, LIBRA duhet të paraqesë në KQZ një vërtetim mandati për dy deputetët, të cilët duhet të kenë bënë në parlament të paktën 6 muajt e fundit që nga data e paraqitjes së kërkesës në KQZ.
Këtë kusht LIBRA nuk e plotëson, ndaj Blushi duhet të mbledhë firmat për t’u regjistruar në KQZ.
Vlen të theksohet se LIBRA ka qenë partia e pare që ka dërguar ne KQZ kërkesën që më 30 janar, për t’u regjistruar.
KQZ-ja u tërhoq të merrte një vendim të mërkurën që shkoi, të cilin e shtyu dhe pas kësaj shtyrje ka dalë edhe udhëzimi.

/DRONI.al/