Ditët e ardhshme do të karakaterizohen nga një shtim i vranësirave duke filluar që nga dita e premte. Sipas të dhënave nga shërbimi Meteoalb, dita në vijim do të mbeten në ndikimin e kushteve të qëndrueshme atmosferike, duke bërë që moti të jetë i kthjellët, me vranësira të lehta e kalimtare.
Por në fundjavë, kushtet atmosferike do të ndryshojnë.
Pritet shtim i vranësirave duke rrezikuar shira lokale të shtunën gjatë natës dhe ditën e diel. Temperaturat e ajrit do të pësojnë rrënie të lehtë në orët e mëngjesit që nga nesër dhe në vijim, por mesdita nuk do të ketë shumë ndryshim të tyre. Fundjava sjell rënie të lehtë të temperaturave maksimale duke e rikthyer edhe për disa ditë të ftohtin karakteristik të stinës.
