VIDEO & DETAJE/ Durrës, ja si u zbulua dhe arrestua trafikanti i heroinës në port

Iframe
IframeNë Portin Detar Durrës, rreth orës 20.05 të mbrëmjes së sotme në Terminalin e Pasagjerëve është kapur një person me lëndë narkotike, konkretisht
• Berald Islami  24 vjeç, banues në Durrës.
Në Portin Detar Durrës kanë qenë të planizuar me shërbim, Policia Kufitare me  qen Anti- drogë; Forcat e Sigurisë Portuale dhe Shërbimi Doganor.
Në bazë të dyshimeve se shtetasi i mësipërm dispononte lëndë narkotike, gjatë kontrollit fizik nga policia, ai ka tentuar të largohet duke vrapuar, por është neutralizuar menjëherë nga Shërbimet e Policisë Kufitare të ndihmuara edhe nga Forcat e Sigurisë Portuale.
Në vijim i është ushtruar kontroll i imtësishëm ku në trup i’u gjetën dhe sekuestruan në cilësinë e provës materiale:
• 6 pako të mbështjella me natriban, me peshë rreth 2 kg e 200 gr  lëndë narkotike e dyshuar  e llojit Heroinë.
Shtetasi i mësipërm është person me precedent  penal të mëparshëm në fushën e veprave penale kundër jetës.
Specialistët për Hetimin e Narkotikëve në Drejtorinë Vendore të Policisë Durrës po vijojnë veprimet e mëtejshme  procedurale.
Në përfundim të veprimeve të para hetimore materialet do ti referohen për veprime të mëtejshme Prokurorisë së Krimeve të Rënda Tiranë për veprën penale” Trafikimi i  narkotikëve, mbetur në tentativë” parashikuar në nenin 283/a, 22  të Kodit Penal.

/DRONI.al/