Specialistët e Sektorit për Hetimin e Krimit Ekonomik-Financiar, në Drejtorinë Vendore të Policisë Korçë, bënë kapjen dhe arrestimin në flagrancë të Gëzim Marku, 46 vjeç, banues në Lezhë.
Sipas Policisë vendore, dje ky person u konstatua nga shërbimet e Policisë të planizuar në pikën e kontrollit në aksin rrugor Dogana e Kapshticës- Kapshticë, duke drejtuar mjetin tip “Mercedes- Benz”me targa LE 8800 A, në pronësi të tij.
Gjatë kontrollit të ushtruar në mjetin e këtij të fundit, në brendësi të tij iu gjetën dhe sekuestruan në cilësinë e provës materiale një sasi konfeksionesh (xhupa, tuta sportive e bluza grash) të cilat ky shtetas rezulton se nuk i kishte deklaruar në degën doganore të Kapshticës për kryerjen e veprimeve të mëtejshme.
Materialet i kaluan Prokurorisë të Rrethit Gjyqësor Korçë për veprën penale: “Kontrabanda me mallra të tjera” parashikuar nga neni 174 i Kodit Penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
