Edi Rama vetëzhduket nga daljet “live”, sulmon opozitën nga “frëngjitë” e rrjeteve sociale

Në “të tretat” e skandali që ka përfshirë ish-ministrin e tij “më të suksesshëm”, kryeministri Edi Rama shfaqet me një postim “të tretë” në rrjetet sociale, duke “privuar” veten nga mosguximi për tu shfaqur “live” para kamerave, me orë e orë të tëra fjalimesh retorike.
Sërish sot, me një postim në “Facebook”, ai ka sulmuar opozitën, për të vërtetat e saj të përsëritura në vite, dhe që Rama vetëm këto ditë duket se “i ka mësuar” për “më të suksesshmin” ministër të tij.
Dhe meqenëse tani “i ka mësuar” të vërtetat, i duket vetja se “Policia e Shtetit po bën të gjithë gjërat e duhura”, në një kohë ku nga përgjimet e partnerëve ndërkombëtarë nga përtej Otrantos, nuk mungojnë dyshimet dhe faktet për drejtues të Policisë shqiptare, për përfshirje në trafiqe të paligjshme… DRONI.al

Postimi i plotë i Edi Ramës, sot në “Facebook”

Ta harrojnë se do të na ndalin

‪Përshëndes shkarkimin e gjithë zinxhirit të komandës policore në Elbasan👍 Kush është përzier me çorbën e krimit, po edhe kush s’ka kurajo të përballet sy për sy e dhëmb për dhëmb me të, s’ka vend nën uniformën e dëshmorëve të Policisë së Shtetit👨✈️⭐️
…
E turpshme përpjekja e Frontit të Çorbës së Vjetër për të baltosur Policinë e Shtetit për operacionin e suksesshëm mbrëmë në Vlorë, si pjesë e luftës ndaj rrjetit kriminal të heronjve të kazanit politik e mediatik të 48 orëve të fundit👎
Policia e Shtetit po bën të gjithë gjërat e duhura dhe çdo drejtues e punonjës policie, duhet të vazhdojë të bëjë përditë këtë që po bën qysh prej nisjes së kësaj faze të re të luftës me krimin, pas pastrimit të Shqipërisë nga kanabisi👏
…
‪Ta harrojnë se do të na ndalin dot në këtë luftë, të gjithë ata që vazhdojnë t’i marrin shqiptrët për budallenj dhe që synojnë bllokimin e rrugës sonë për Shqipërinë që duam – me shtet, punë, mirëqenie. Me mandatin e 25 qershorit, ne do t’i bëjmë jo vetëm rrjeteve kriminale, po edhe korrupsionit në tërësi, atë që asnjë nga këta që hidhen sot përpjetë në kazanin e politikës e të medias, s’ka guxuar as ta mendojë, në çerekshekulli rrumpallë e bashkëjetesë harmonike të pushtetit me llumin, ku ky vend mbeti pa shtet, pa ligj, pa drejtësi🇦🇱‬
‪Këtu jemi dhe do të shohim. Ditë për ditë✌️

/DRONI.al/