Kryeministri Edi Rama, njëherësh kreu i PS-së, në mbledhjen e grupit parlamentar të selisë rozë u ka bërë thirrje deputetëve të tij që të dalin në terren për zgjedhjet parlamentare të 18 qershorit.
Kryeministri Edi Rama u ka dhënë porosi të deleguarve që të dalin dhe të shpërndahen në zona elektorale që u takon.
“Mos u merrni me protestën. Dilni ne terren e punoni. Deputetët të shpërndahen neper zona, të deleguarit nëpër Qarqe. Te enjten përgatituni për parlament. Mos u merrni me komentet e protestës së tyre”, tha thënë kryeministri Rama.
Që prej ditës së shtunë, Partia Demokratike nisi protestën kundër keqqeverisjes, ndërsa në tubim morën pjesë qytetarë, përkrahës dhe militantë të opozitës. Në protestën që iu bashkuan dhe aleatët e PD-së, kreu i opozitës ka kërkuar largimin e kryeministrit Edi Rama dhe krijimin e një qeverie teknike deri në sigurimin e zgjedhjeve të lira dhe të ndershme. Aktualisht protesta vijon poshtë një çadre të ngritur në Bulevardin Dëshmorët Kombit, përballë Kryeministrisë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
