Mediat greke kanë publikuar foto nga kamioni me më shumë se një ton drogë, që u kap para disa ditësh në Kakavijë.
Në njoftimin e Autoritetit të të Ardhurave Publike që u publikua në hënën në mesditë, thuhet ndër të tjera:
“
Të enjten, 16.02.2017, ora 20,20, një maune me targa shqiptare, leje ndërkombëtare qarkullimi dhe drejtues një shtetas shqiptar, tentoi të kalonte kufirin greko-shqiptar, me destinacion Greqinë. Gjatë ushtrimit të kontrollit doganor u gjetën të ambalazhuara dhe të fshehura me kujdes në një vend të posaçëm në pjesën e parë të karrocerisë, 700 dengje me peshë të përgjithshme 1.147, 423 kilogramë lëndë narkotike, sipas gjasave kanabis i papërpunuar. Lënda narkotike dhe automjeti u sekuestruan, ndërsa drejtuesi i mjetit iu shmang arrestimit. Është hartuar dosje penale dhe i është dhënë për ndjekje prokurorisë së Janinës”, ka reaguar zyrtarisht policia greke, duke “zhveshur” nga mundësia e justifikimit ministrin shqiptar të Brendshëm, Saimir Tahirin, i cili nuk llogarit tonët e drogës që bllokohen në Itali e Greqi, po nuk lexoi me sytë e tij komunikatat zyrtare nga policitë e këtyre vendeve.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
