Ditën e djeshme në mediat online pro-qeveritare ka qarkulluar një video (7 sekonda), e cila është interpretuar si një konflikt midis dy deputetëve të Partisë Demokratike, Albana Vokshi dhe Asllan Dogjani. Para mijëra lexuesve u server një lajm i rremë, i cili nuk pasqyronte të vërtetën.
Në një protestë ku ndodhen mijëra njerëz dhe ku dominojnë gumëzhimat, komunikimi patjetër që do jetë me zë të lartë. Në video nuk dallohet asnjë moment konflikti apo përplasje siç u interpretua.
Nuk ka munguar reagimi nga të dy deputetët e përmendur të cilët kanë mohuar kategorikisht lajmin.
Albana Vokshi nëpërmjet një statusi në Facebook mbrëmë ka deklaruar se:
Ata që duan të zbehin protestën më të madhe, gjejnë Zgjidhje me lajme fallco, FAKE NEWS!
Për FAKE NEWS, nuk ka pasur asnjë shqetësim mes meje dhe askujt.
Nga ana e tij deputeti Asllan Dogjani ka publikuar mbrëmjen e vonë të së dielës disa foto me deputeten Vokshi nga çadra e protestuesve, si për të treguar se çdo gjë shkonte mirë dhe se raportimet për një sherr mes tyre ishin ‘Fake News’.
Të dielën thuajse të gjitha mediat pro-qeveritare u përpoqën të zhvendosnin vëmendjen nga pjesëmarrja masive në protestë duke fabrikuar ‘Fake News’.
Ndërsa në shesh kishte nisur një proces dhe akt politik, mediat proqeveritare përpiqeshin gjithë kohës të kapnin lajme të zhanrit ‘showbizz’, duke mos kursyer as publikimin e një fotoje idiote dhe denigruese ndaj koleges së tyre gazetare të A1-Report. / Hashtag.al
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
