Të gjithë të rinjtë e sapodiplomuar apo profesionistë që kërkojnënjë mundësi të re punësimi, në institucionet publike, tashmë e kanë më të lehtë të informohen dhe të aplikojnë për t’u punësuar, falë portalit unik https://www.puna.gov.al/SektoriPublik, i cili konsolidon në njëplatformë të vetme shpalljet në shërbimin civil, institucionet e tjera publike në nivel qendror dhe vendor, shoqëritë me mbi 50 % kapital shtetëror. Kështu njofton zyra e shtypit të qeverisë.
Portali u prezantua sot nga Ministrja e Ekonomisë dhe Inovacionit Delina Ibrahimaj, si dhe Ministrja e Shtetit për Administratën Publike dhe Antikorrupsionin Adea Pirdeni, në një takim me të rinjtë, ku merrte pjesë edhe kryeministri Rama.
“Ne hapim një dritare të re për të gjithë ata që kanë ambicien të kontribuojnë në sektorin publik. Është një dritare e unifikuar, ku jepet një pamje 360 gradë e të gjitha mundësive të punësimit në këtë sektor” – u shpreh kryeministri – teksa vlerësoi se ky është një hap i rëndësishëm për më shumë transparencë, dhe më shumë ndërveprim mes individit dhe shtetit.
Qeveria ka hapur portale punësimi edhe për mësuesit dhe infermierët por që në shumë raste listimi sipas meritës në këto portale anashkalohet duke punësuar persona jokompetentë me lidhje politike. a.b
