Një vjedhje është konstatuar në ambientet e një shkolle 9-vjeçare në qytetin e Lezhë, ku janë dëmtuar disa dyer dhe janë marrë pajisje dhe dokumente.
Sipas informacionit paraprak, rreth orës 17:00, drejtoresha e shkollës, ka njoftuar Policinë pasi në ambientet e brendshme të institucionit arsimor janë konstatuar të dëmtuara pesë dyer.
Nga verifikimet e para dyshohet se autorët kanë marrë disa dokumente të shkollës, një kompjuter si dhe pajisjen DVR që shërben për regjistrimin e kamerave të sigurisë.
Pas njoftimit, në vendngjarje kanë mbërritur shërbimet e Policisë dhe grupi hetimor, të cilët kanë nisur veprimet për dokumentimin e plotë të ngjarjes. Hetuesit po punojnë për të sqaruar rrethanat e kësaj vjedhjeje, si dhe për identifikimin dhe kapjen e autorit ose autorëve të dyshuar.
Ndërkohë, pritet që hetimet dhe verifikimet e mëtejshme të hedhin më shumë dritë mbi mënyrën se si është kryer vjedhja dhe dëmet e shkaktuara në ambientet e shkollës.m.k
