Sekretariati i Etikës në Kuvend ka vendosur përjashtimin e deputetëve të opozitës Gazment Bardhi dhe Klevis Balliu nga punimet e Parlamentit, ndërsa ka rrëzuar kërkesën e Partisë Demokratike për ndëshkimin e kreut të grupit parlamentar socialist, Taulant Balla.
Vendimi duket se ëshzë një përpjekje e mazhorancës së drejtuar nga kryeministri Edi Rama për të pastruar skenën parlamentare për seancën e së enjtes kur do të votohet tashmë formalisht për imunitetin e zv/kryeministres Balluku.
Ndërkohë, Sekretariati i Etikës vendosi të mos marrë masa disiplinore ndaj Ballës për deklaratat e tij në Kuvend drejtuar deputetes demokrate Albana Vokshi.
Sipas përfaqësuesve të Partisë Socialiste, ndjesa publike e Ballës për shprehjen “për ty kam numrin 0900”, e drejtuar ndaj Vokshit gjatë debatit në sallën e Kuvendit, është konsideruar e mjaftueshme dhe për këtë arsye nuk është vendosur përjashtimi i tij nga seancat parlamentare. a.b
