Drejtuesi i Strukturës së Posaçme kundër Krimit të Organizuar dhe Korrupsionit, Klodjan Braho, ka reaguar përmes një mesazhi të publikuar në rrjetet sociale, duke theksuar se lufta kundër krimit të organizuar do të vijojë me intensitet.
Në reagimin e tij në Facebook, Braho shprehet se Struktura e Posaçme Kundër Korrupsionit dhe Krimit të Organizuar do të vazhdojë të godasë me forcën e ligjit grupet kriminale, duke nënvizuar se hetimet do të përfshijnë edhe çdo funksionar publik që bashkëpunon apo lehtëson aktivitetet e tyre.
Sipas tij, puna e strukturës që ai drejton mbetet e përqendruar jo vetëm në luftën kundër organizatave kriminale, por edhe ndaj zyrtarëve që mund të jenë të përfshirë apo që ndihmojnë në zhvillimin e veprimtarive të paligjshme.
“Ne do të vijojmë të godasim me forcën e ligjit krimin e organizuar, si dhe çdo funksionar publik që bashkëpunon apo lehtëson veprimtarinë e krimit të organizuar”, shkruan Braho në reagimin e tij. a.b
