Department amerikan i Shtetit ka lëshuar një paralajmërim urgjent për qytetarët amerikanë, duke u bërë thirrje që të largohen menjëherë nga më shumë se 12 vende në Lindjen e Mesme, mes përshkallëzimit të tensioneve pas sulmeve të përbashkëta SHBA–Izrael ndaj Iranit.
Sipas përditësimit të ri të sigurisë, qytetarëve u kërkohet të largohen “tani” përmes mjeteve komerciale, pra përmes linjave ajrore apo formave të tjera të transportit të ofruara nga kompani private, për shkak të rreziqeve serioze të sigurisë në rajon.
Vendet për të cilat është lëshuar thirrja urgjente e largimit janë:
- Bahrain
- Egjipt
- Iran
- Irak
- Izrael
- Bregu Perëndimor dhe Rripi i Gazës
- Jordani
- Kuvajt
- Liban
- Oman
- Katar
- Arabia Saudite
- Siri
- Emiratet e Bashkuara Arabe
- Jemen
Ky paralajmërim vjen në një moment kritik për rajonin, ku përplasjet ushtarake dhe kërcënimet për hakmarrje kanë rritur ndjeshëm frikën për një konflikt më të gjerë rajonal, me pasoja të paparashikueshme për sigurinë ndërkombëtare. m.k
