Është ndarë nga jeta në moshën 79-vjeçare aktori dhe humoristi i njohur vlonjat, Mane Lumani.
Ai ndërroi jetë në ambientet e Spitali Rajonal i Vlorës, ku prej më shumë se dy muajsh ishte i shtruar në repartin e reanimacionit, pas një sëmundjeje të rëndë që preku mushkëritë dhe zemrën. Lumani kishte festuar 79-vjetorin më 22 shkurt.
Lajmi i ndarjes së tij nga jeta ka tronditur familjarët, miqtë dhe komunitetin artistik të Vlorës. I martuar dhe baba i katër fëmijëve, ai njihej si një njeri i përkushtuar ndaj familjes dhe profesionit.
Mane Lumani ishte një nga parodistët më të spikatur të qytetit bregdetar, i dalluar për mimikën karakteristike dhe humorin me finesë. Për dekada me radhë ai dha kontribut të vyer në jetën kulturore të Vlorës, duke sjellë buzëqeshje dhe emocione përmes interpretimeve të tij në skenë.
Ndarja e tij nga jeta lë një boshllëk në skenën artistike të qytetit, ndërsa kujtimi dhe vepra e tij do të mbeten pjesë e trashëgimisë kulturore vlonjate. a.b
