Kreu i Partia Demokratike e Shqipërisë, Sali Berisha, deklaroi gjatë një bisede me ndjekësit e tij në rrjetet sociale, të zhvilluar paraditen e sotme, se protesta e opozitës do të shoqërohet me “revoltë” dhe se, sipas tij, “kryengritja paqësore do të njohë dimensione të reja”.
Në përgjigje të një pyetjeje nga një ndjekës, E. Kaja, nëse do të ketë rezistencë dhe përballje, Berisha u shpreh: “Sigurisht që do ketë revoltë. Kryengritja jonë paqësore do njohë dimensione të reja dhe është e pandalshme gjer në largimin përfundimtar të Edi Ramës”. a.b
