Pas afro dy javë kërkime intensive në lumin Osum, është gjetur trupi i pajetë i 42-vjeçarit nga Skrapari.
Policia në bashkëpunim me forcat e Ushtrisë, kanë zhvilluar kontrolle të pandërprera përgjatë shtratit të lumit. Sot, rreth orës 10:30, pranë fshatit Karruk, u gjet trupi i pajetë i shtetasit I. K., 42 vjeç, lindur në Skrapar.
Kërkimet për gjetjen e tij kishin nisur që prej datës 19 shkurt 2026, pasi dyshohej se 42-vjeçari ishte vetëhedhur në lumin Osum. Për disa ditë me radhë, strukturat e Policisë Berat, në bashkëpunim me Forcat RENEA dhe forca të tjera mbështetëse, vijuan kontrollet intensive në zonë.
Trupi u nxor nga uji, ndërsa grupi hetimor po kryen veprimet procedurale për dokumentimin e plotë ligjor të rastit. a.b
